[Consumerwide – сурвалжлагч Ганаа] 9-р сарын 27-ны 11 цагт Сөүл хотын Жунну дүүргийн Вэстин Жосеон зочид буудалд S60, V60 загварын шинэ машинуудыг танилцууллаа. V60 загвар миний анхаарлыг маш их татлаа. V60 CC буюу аялалын машин нь суудлын болон бага оврын бартаат замын машинуудыг нийлүүлсэн шинэ загвар юм. Гайхалтай загвар дизайнаас гадна хэрэглээнд төгс тохирно.
Шинэ загварын V60CC нь босоо сараалжин нүүртэй, чамин тансаг хийцтэй бүлийн машины болжээ. Арын хэсэгт хромон оруулга хийсэн нь өвөрмөц харагдаж байна. Арын хэсэгт автомашины логог товойлгон оруулж өгчээ. Автомашины нүүрэнд суурилуулж өгсөн радар бүхий эмблем нь Волвогийн гэр бүлийн машины шинэ өнгө төрхийг бий болгожээ.
Дотор салон нь шинэ S60 болон хуучин V60 загвараас өөрчлөгдөөгүй байна. Харин нэмэлтээр Tmap мэдээлэл, энтертайнмэнтийн систем суурилуулжээ.
Хэрэв та Ариа гэж дуудвал дараах функцуудыг ажиллуулах боломжтой. – Навигаци ажиллуулах, - автомашин доторх хэмийг тохируулах болон суудал халаах, - дуу хөгжим хайх, - дуудлага хийх ба мессеж илгээх, - ахуйн мэдээлэл хайх, - гэрийнхээ гэрлийг асааж унтраах, агааржуулагч ба робот тоос сорогч ажиллуулах гэх мэт смарт тоног бүхий Нугу смартхоумыг ажиллуулах. Мөн нэмэлтээр Волво машины апп суулгаж өгснөөр утсаараа машинаа онгойлгож түгжих, машин барих үед гарсан асуудлыг зохицуулах дижитал харилцагч, Волво туслагч зэргийг энэхүү шинэ смарт машинд суурилуулжээ.
Хөлний орон зайн багтаамж нь шинэ S60-тай адил хэмжээтэй болжээ. Энэ нь өндөр хүн тав тухтай суух орон зай сайтай болсон гэсэн үг. Гол ялгаа нь 2-р эгнээнй суудлыг хэвтүүлж болдог болсон байна. Тиймээс эзлэхүүн нь S60-с сайн болжээ. S60-ын багтаамж 442 литр бол V60-ынх 529 литр болсон байна. 2-р эгнээний суудлыг хэвтүүлбэл бүр 1441 литр болно. Ингэснээр аялалд явах бүрэн боломжтой.
Би тэр өдөр Волвогийн ажилтны тусламжтайгаар эзлэхүүнийг нь нарийн шалгасан. Өндөр эрэгтэй хүн хэвтэх хангалттай зайтай юм билээ. Багтаамжын хувьд энэ загвар нь S60 загвараас илүү сайн болсон.
Шинэ загварын S60 нь FWD буюу урд дугуйгаар хөтөлдөг бол шинэ загварын V60CC нь AWD буюу бүх дугуйгаар хөтөлдөг болсноор цаг уурын болон газар нутгийн ямар ч нөхцөлд туулах чадварыг сайжруулж өгсөн байна. Шинэ загварын S60-ийн шатахуун зарцуулалт 11.3 км/1 литр бол V60CC 9.9 км/1 литр болжээ. Хангалттай багтаамж бүхий автомашин хайж буй хүнд V60CC хамгийн сайн тохирно. Plus загвар нь 55,300,000 вон, Ultimate загвар нь 61,600,000 воноор худалдагдаж байна.
